சேத்தியாத்தோப்பில் காங்கிரஸ் கட்சியின் ஆலோசனைக்கூட்டம் மக்களின் எதிர்கால நலன்காத்திடும் பலவேறு தீர்மானங்கள் நிறைவேற்றம்

கடலூர் மாவட்டம் சேத்தியாத்தோப்பு விஜயகணேசர் திருமண மண்டபத்தில் காங்கிரஸ்கட்சியின் ஆலோசனைக்கூட்டம் நடைபெற்றது.இக்கூட்டத்தில்  காங்கிரஸ் கட்சியின் தெற்கு மாவட்ட தலைவர் செந்தில்நாதன் தலைமை வகித்தார்.மாநில துணைத்தலைவர்  கேஐ மணிரத்தினம், மாநில செயலாளர் சித்தார்த்தன்,மாவட்ட பொருளாளர் வேங்கடகிரி, டாக்டர் செந்தில்வேலன், மாவட்ட துணைத்தலைவர் விநாயகம்,வைத்தியநாதசாமி,முத்துக்குமார் ஆகியோர் முன்னிலை வகித்தனர்.சேத்தியாத்தோப்பு நகர தலைவர் மதியழகன் அனைவரையும் வரவேற்றார். சிறப்பு விருந்தினராக காங்கிரஸ் கட்சியின் மேலிட பார்வையாளர் லட்சுமிராமச்சந்திரன்  வருகை தந்து கட்சியினரிடையே சிறப்புரையாற்றி பேசும்போது நமக்குள் ஆயிரம் முரண்பாடுகள் இருந்தாலும் அதையெல்லாம் தூர வைத்துவிட்டு சிறப்பாக கட்சிப்பணியாற்றிடவேண்டும்.வட்டாரத்தலைவர்கள் புதிய உறுப்பினர்கள் சேர்ப்பதில் சுறுசுறுப்பாக செயலாற்றிட வேண்டும்.காங்கிரஸ் கட்சியின் எதிர்காலத்திட்டங்கள் மாற்றத்தை ஏற்படுத்தக்கூடியவை அதனை நாம் மக்களிடத்தில் கொண்டுசேர்க்கவேண்டும்.நமது செயல்பாடுகள் அனைத்து மக்களுக்கான பிரச்னைகளை தீர்ப்பதில் இருக்கவேண்டும், உள்ளாட்சித்தேர்தலில் நமக்கான மிகப்பெரிய வெற்றியை பெற்றிட இப்போதே கடுமையாக உழைப்பது அவசியம். என மேலிடபார்வையாளர் கட்சியினரிடையே அறிவுறுத்தி பேசினார். பின்னர் காங்கிரஸ் கட்சியின் எதிர்கால  வளர்ச்சிப்பணிகள் குறித்து விவாதித்து தீர்மானங்கள் நிறைவேற்றப்பட்டது.இந்த ஆலோசனைக்கூட்டத்தில் புவனகிரி வட்டாரத்தலைவர் ஜெயசீலன்,புவனகிரி கிழக்கு வட்டாரத்தலைவர் நாகராஜன்,கீரப்பாளையம் வட்டாரத்தலைவர்கள் செழியன்,பழனிவேல்,ஸ்ரீமுஷ்ணம் வட்டாரத்தலைவர்கள் ஹரிகிருஷ்ணன், சீனுராஜேந்திரன், தொகுதி செய்திதொடர்பாளர்சம்பத், பரங்கிப்பேட்டை பக்கிரிசாமி, கம்மாபுரம் பழனிவேல்,கங்கைகொண்டான் நகரத்தலைவர் தெய்வசிகாமணி, நகரபொருளாளர் கிளாங்காடு சேகர் உள்ளிட்ட கடலூர் தெற்குமாவட்ட காங்கிரஸ்கட்சியின் நிர்வாகிகள் பலர் பங்கேற்றனர்.