கீரப்பாளையம் வட்டார வேளாண்மைத்துறை சார்பில் விவசாயிகளுக்கு குறுவை சிறபபு தொகுப்பு வழங்கப்பட்டது

 

கடலூர் மாவட்டம் கீரப்பாளையம் வட்டார வேளாண்மைத்துறை சார்பில் விவசாயிகளுக்கு குறுவை சிறப்பு தொகுப்பு வழங்கும் நிகழ்ச்சி நடைபெற்றது.சாத்தமங்கலத்தில் அமைந்துள்ள வெள்ளியக்குடி தொடக்க வேளாண்மை கூட்டுறவு கடன் சங்கத்தின் சேமிப்புக்கிடங்கில் நடைபெற்ற நிகழ்ச்சியில் தொடக்க வேளாண்மை கூட்டுறவு கடன்சங்கத்தின் தலைவர் கார்த்திக் தலைமை வகித்தார்.கீரப்பாளையம் வட்டார வேளாண்மைஉதவி இயக்குநர் சித்ரா,உதவி வேளாண்மை  அலுவலர் சிவக்குமார் ஆகியோர் முன்னிலை வகித்தனர்.வங்கியின் செயலாளர் ராஜதுரை வரவேற்றார்.வேளாண்மை இணை இயக்குநர் பாலசுப்ரமணியன் சிறப்பு அழைப்பாளராக வருகை தந்ததார்.பின்னர் நடைபெற்ற நிகழ்ச்சியில் குறுவை சிறப்புத்தொகுப்புக்கான உரம், மருந்துகள் உள்ளிட்ட பொருட்களை வேளாண்மை இணை இயக்குநர் பாலசுப்ரமணியன் விவசாயிகளுக்கு வழங்கினார்.இது குறித்து அதிகாரிகள் தெரிவிக்குபோது குறுவை சிறப்பு தொகுப்பில் சிறு,குறு விவசாயிகளுக்கு 100 சதமானியத்தில் உரம், 50சதம் மானியத்தில் விதைநெல்,தக்க பூண்டு தழை உரவிதை வழங்கப்படுகிறது என தெரிவித்தனர்.இந்நிகழ்ச்சியில் வங்கியின் பணியாளர்கள்,விவசாயிகள் என பலரும் பங்கேற்றனர்.