சேத்தியாத்தோப்பு அருகே பின்னலூர் கிராமத்தில் டாஸ்மாக் கடையை சுவற்றில் துளை போட்டு உயர்ரக மதுபாட்டில்கள் திருட்டு

 

 

கடலூர் மாவட்டம் சேத்தியாத்தோப்பு அருகே பின்னலூர் கிராமத்தில் டாஸ்மாக் கடை அமைந்துள்ளது. இக்கடையில் சிவக்குமார்,கிருஷ்ணமூர்த்தி,கஜேந்திரன் ஆகியோர் விற்பனையாளர்களாக உள்ளனர்.இந்நிலையில்
தமிழகத்தில் தற்போதைய ஊரடங்கு உத்தரவை முன்னிட்டு அனைத்து டாஸ்மாக் கடைகளும் மூடப்பட்டுள்ளது. இந்நிலையில் பின்னலூர் டாஸ்மார்க் கடை ஊருக்கு ஒதுக்குபுறமாக வயல்வெளியில் இருக்கிறது.இதனை நள்ளிரவில் மர்ம நபர்கள் சுவற்றை துளைபோட்டு உள்ளே இருந்த உயர்ரக மது பாட்டில்கள் 10 அட்டை பெட்டிகளில், மொத்தம் 480 மதுபாட்டில்கள் இருந்ததை திருடிச் சென்றுள்ளனர். இதனுடைய மதிப்பு சுமார் ஒரு லட்ச ரூபாய் இருக்கும் என கூறப்படுகிறது. இன்னிலையில் தகவலின்பேரில் விரைந்து வந்த சேத்தியாத்தோப்பு டிஎஸ்பி சுந்தரம், காவல் ஆய்வாளர் மைக்கேல் இருதயராஜ்.எஸ்ஐ மாணிக்கராஜா உள்ளிட்ட குழுவினர் சம்பவம் நடைபெற்ற டாஸ்மார்க் கடையை பார்வையிட்டு ஆய்வு செய்தனர். அப்போது சுவரை துளை போட பயன்படுத்திய சுத்தியல், கடப்பாரை உள்ளிட்ட பொருட்களை மர்ம நபர்கள் அவ்விடத்திலேயே போட்டுச் சென்றது தெரியவந்துள்ளது இதன் பின்னர் டாஸ்மார்க் கடையில் பொருத்தப்பட்டுள்ள சிசிடிவி கேமராவில் பதிவான காட்சிகளின் அடிப்படையில் போலீஸா தீவிர விசாரணை மேற்கொண்டு வருகிறார்கள் மேலும் சந்தேகத்தின் பேரில் பின்னலூர்  கிராமத்தைச் சேர்ந்த தவக்களை என்கிற குமாரை பிடித்து விசாரணை செய்தும் வருகிறார்கள். ஆளரவமற்ற பகுதியில் இருந்த டாஸ்மார்க் கடையை மர்ம நபர்கள் சுவற்றில் துளை போட்டு திருடிச் சென்றது பரபரப்பை ஏற்படுத்தி உள்ளது.மேலும் மாவட்ட டாஸ்மாக் மேலாளர் ரவிக்குமார் சம்பவம் நடைபெற்ற கடையை பார்வையிட்டும் ஆய்வு செய்தார்.