கொள்ளிடம் கூட்டுகுடிநீர் திட்ட பைப்லைன் ஒருமாதத்திற்கு மேலாக உடைந்து தண்ணீர் விரயமாவதால் உடனடியாக சரிசெய்ய கிராமமக்கள் கோரிக்கை

 

கடலூர் மாவட்டம் சேத்தியாத்தோப்பு அருகே உள்ளது வடப்பாக்கம் கிராமம்.இந்தக்கிராமத்தில் முக்கிய சாலையின் வழியாக கொள்ளிடம் கூட்டுகுடிநீர்திட்ட பைப்லைன் செல்கிறது.இந்த பைப்லைன் மூலம் நூற்றுக்குமேற்பட்ட கிராமக்கள் குடிநீர்பெற்று வருகிறார்கள்.இவ்வாறான நிலையில் வடப்பாக்கம் கிராமத்தில் வழியாக செல்லும் இந்த பைப்லைன் கடந்த ஒருமாதத்திற்குமேலாக உடைப்பு ஏற்பட்டுள்ளது.அதனால் அதிலிருந்து குடிநீர் விரயமாகி வருகிறது.மேலும் அந்த உடைப்பின் வழியாக குடிநீரில் அசுத்தங்களும் சேர்ந்து வருவதால் அதனை பயன்படுத்தும் மக்கள் பாதிப்படையும் நிலையில் இருக்கிறது.இதுகுறித்து இப்பகுதி மக்கள் தெரிவிக்கும்போது இதுபோன்று கொள்ளிடம் கூட்டுகுடிநீர் திட்ட பைப்லைன் பலமுறைகள உடைப்பு ஏற்பட்டுள்ளது.அதனை கவனமாக சரிசெய்யாததால் மீண்டும்,மீண்டும் உடைப்பு ஏற்பட்டுக்கொண்டே இருக்கிறது எனவும் அவர்கள் தெரிவித்தனர்.