சேத்தியாத்தோப்பு அருகே பெட்ரோல்போட சாலையை கடக்க முயன்றவர் விபத்தில் சிக்கி கால் எலும்பு முறிந்து துண்டானது.

 

கடலூர் மாவட்டம் சேத்தியாத்தோப்பு அருகே குமாரக்குடியில் தனியார் பெட்ரோல் பங்க் உள்ளது.இதன் அருகில் பெட்ரோல் போட சாலையை கடக்க முயன்ற ஒருவரை சாலையில் வேகமாக வந்த மினி மீன் வண்டி மோதி பயங்கர விபத்து ஏற்பட்டது.இந்த விபத்தில் அருகே உள்ள மழவராயநல்லூர் கிராமத்தைச் சேர்ந்த கலைச்செல்வன் என்பவருக்கு இடது காலில் எலும்பு முறிவு ஏற்பட்டு, கால் துண்டானதுடன் உடனடியாக ஆம்புலன்சில் ஏற்றி சிதம்பரம் அரசு மருத்துவமனைக்கு சிகிச்சைக்காக அனுப்பி வைக்கப்பட்டுள்ளார். அதிவேகமாக வந்து விபத்து ஏற்படுத்திய மீன் வண்டியை கைப்பற்றி போலீசார் விசாரணை செய்து வருகிறார்கள்.