பாஜக பட்டியல் அணியின் அறிமுக மற்றும் ஆலோசனைக்கூட்டம்

கடலூர் மாவட்டம் சேத்தியாத்தோப்பில் பாஜக பட்டியல் அணியின் அறிமுக மற்றும் ஆலோசனைக்கூட்டம் நடைபெற்றது. கடலூர் மேற்கு மாவட்ட பா.ஜ.க அலுவலகம் கேபிடி திருமண மஹாலில் நடைபெற்ற நிகழ்ச்சியில் பாஜக மாநிலத் தலைவர் எல்.முருகன் மற்றும் மாநில பட்டியல் அணித்தலைவர் பொன்பாலகணபதி ஒப்புதல்படி பட்டியல் அணியின் அறிமுகம் மற்றும் ஆலோசனை கூட்டம் நடைபெற்றது.
பட்டியல் அணியின் மாவட்ட தலைவர் சத்யகொளஞ்சி  தலைமை வகித்தார். கடலூர் மேற்கு மாவட்ட தலைவர் கேபிடி இளஞ்செழியன் ,பட்டியல் அணியின் மாநிலச் செயலாளர் அசோக்பாபு சிறப்பு விருந்தினராக பங்கேற்றனர்.மாவட்ட பொதுச்செயலாளர் ராஜேஷ் மற்றும் மாவட்ட துணை தலைவர் ஜெயக்குமார் ஆகியோர் வரவேற்றனர்.பின்னர் நடைபெற்ற  அறிமுக கூட்டத்தில் கட்சி வளர்ச்சி பணிகள் குறித்தும் மற்றும் காட்டுமன்னார்கோவில் குருங்குடி கிராமத்தில் நடந்த வெடிவிபத்தில் இறந்த 7 பேருக்கு இரண்டு நிமிட மௌன அஞ்சலி செலுத்தப்பட்டது. மேலும் வெடிவிபத்தில் இறந்தவர்களின் குடும்பத்துக்கு தமிழக அரசால் ஒதுக்கப்பட்ட 2 லட்சம் நிதியை உயர்த்தி 5 லட்சமாக தரவேண்டும்.வருகின்ற பாரதபிரதமரின் பிறந்தநாளை சிறப்பாக கொண்ட்£டுவது, பொதுமக்களுக்கு நலத்திட்ட உதவிகள் வழங்குவது என தீர்மானம் நிறைவேற்றப்பட்டது. இந்நிகழ்ச்சியில் பட்டியல் அணி மாவட்ட பொதுச்செயலாளர் ஆதவன் மற்றும் முருகானந்தம் ,பட்டியல் மாவட்ட துணைத் தலைவர்,இளவரசு பட்டியல் அணி மாவட்ட செயலாளர்கள் அமுதா மற்றும் பிரபு பட்டியல் அணி பொருளாளர் முருகன்,பட்டியல் அணி ஒன்றிய தலைவர்கள் பாக்யராஜ் ,கென்னடி ,மகாதேவன் ,குமார் ,செல்வம் ,வெங்கடபதி ,பாஸ்கர், முருகன் மாவட்ட ஐடி பிரிவு செயலாளர் , பிரபாகரன், கீரப்பாளையம் ஒன்றிய தலைவர் ராஜா,மாவட்ட அலுவலக செயலாளர் நடனம்மூர்த்தி மற்றும் மாவட்ட ஒன்றிய அணி பிரிவு நிர்வாகிகள் மற்றும் பலர் பங்கேற்றனர்.பட்டியல் அணி மாவட்ட துணைத்தலைவர் ராஜவேல் நன்றியுரை வழங்கினார்.