சேத்தியாத்தோப்பு அருகே மேல்நிலை நீர்த்தேக்க தொட்டியை பராமரித்து தர கிராமமக்கள் அரசுக்கு கோரிக்கை

கடலூர் மாவட்டம் சேத்தியாத்தோப்பு அருகே உள்ளது எறும்பூர் ஊராட்சி.இந்த ஊராட்சியில் சிவன்கோவில் அருகில் மேல்நிலைத்தேக்க தொட்டி அமைந்துள்ளது.இதன்மூலம் ஐந்நூறு குடும்பங்களுக்குமேல் குடிநீர் வழங்கி வருகிறது.இந்த நீர்தேக்க தொட்டி அமைக்கப்பட்டு பதினெட்டு ஆண்டுகள் ஆகிறது.தற்போது இதனை பராமரிப்பு பணிகள் செய்து தரவேண்டும் என எறும்பூர் கிராமமக்கள் தமிழக அரசுக்கு கோரிக்கை வைத்துள்ளனர்.அதன்படி நீர்தேக்க தொட்டியில் ஏற்பட்டுள்ள விரிசல்களை சரிசெய்தும்,பில்லர்களில் ஏற்பட்டுள்ள உடைப்பை செப்பணிட்டும்,தொட்டியை சுத்தம் செய்தும் தரவேண்டும்.இந்த குடிநீர்தேக்க தொட்டிப்பகுதியில் பொதுமக்கள் நடமாட்டம், மற்றும் குடியிருப்புக்களும் உள்ளதால் இந்த வலுவிழுந்துள்ள மேல்நிலை நீர்த்தேக்க தொட்டி எப்போது வேண்டுமானாலும் இடிந்து விழும் நிலையில் இருக்கிறது.இதனால் அசம்பாவிதம் ஏதும் ஏற்படும் முன் உடனடியாக இந்த மேல்நிலை நீர்த்தேக்க தொட்டியை இடித்து அகற்றிவிட்டு புதியதாக அமைத்து தரவேண்டும் எனவும், இந்த தொட்டி சுத்தம் செய்து நீண்டநாட்களாகிறது எனவும்
எறும்பூர் கிராம மக்கள் தமிழக அரசுக்கு கோரிக்கை வைத்துள்ளனர்.