புவனகிரி அருகே வடதலைக்குளம் கிராமத்தில் மின்னழுத்த தாழ்வு நிலையால் பொதுமக்கள் கடும் அவதி

கடலூர் மாவட்டம் புவனகிரி அருகே உள்ளது வடதலைக்குளம் கிராமம்.இக்கிராமத்தில் ஆயிரத்திற்கு மேற்பட்ட குடும்பங்கள் வசித்து வருகிறார்கள்.இந்நிலையில் இக்கிராமத்தில் கடந்த ஓராண்டுக்கு மேலாக கடுமையான மின்னழுத்த தாழ்வு நிலை இருந்து வருகிறது.இது குறித்து வடதலைக்குளம் கிராமமக்கள் தெரிவிக்கும்போது எங்கள் கிராமத்தில் இருக்கும் மின்னழுத்த தாழ்வு நிலையால் மின்சாதனப்பொருட்கள் சரிவர இயங்குவதில்லை.இதனால் இரவில் மின்விசிறி சரியாக இயங்காததால் கொசுக்கடியால் வேதனையடைந்து வருகிறோம்.டிவி,பிரிட்ஜ், வாஷிங்மெஷின்,மிக்சி,கிரைண்டர் உள்ளிட்ட பல்வேறு வீட்டு உபயோக பொருட்கள் இயங்குவதற்கு போதுமான மின்சாரம் கிடைக்காததால் எங்களின் பல்வேறு பணிகள் ஒட்டுமொத்தமாக பாதிப்படைகிறது.மேலும் மின்சாதனப்பொருட்கள் தாழ்வழுத்த மின்நிலை தொடர்ந்து நீடித்து வருவதால் பழுது ஏற்பட்டு வருகின்றன.இதுகுறித்து மின்வாரிய அதிகாரிகளுக்கு கடந்த ஓராண்டாக புதிய மின்மாற்றி அமைத்து தாழ்வழுத்தம் இல்லாமல் நிலையான மின்சாரம் வழங்க நடவடிக்கை எடுக்க கோரிக்கை வைத்து வருகிறோம்.என்ன காரணம் என்று தெரியவில்லை.மின்வாரிய அதிகாரிகள் காலம் கடத்தி வருகிறார்கள்.எங்கள் கிராமத்தில் ஏற்பட்டுள்ள பாதிப்புகளை சரிசெய்வதற்கு முன்வரவில்லை.எங்களின் கோரிக்கையான புதிய மின்மாற்றியை அமைத்து தரவும் தயாராக இல்லை.நாங்கள் இப்படியேதான் இருந்து அவதிப்படவேண்டுமா? மின்வாரிய உயரதிகாரிகள் எங்கள் வடதலைக்குளம் கிராமத்தில் இருக்கும் மின்னழுத்த தாழ்வு நிலையை போக்க புதிய மின்மாற்றி அமைத்து தர முன்ருவார்களா? என்று வேதனை கலந்த எதிர்பார்ப்போடு அதிகாரிகளுக்கு கோரிக்கை வைத்துள்ளனர்.