சேத்தியாத்தோப்பு அருகே பொன்னங்கோவில் கிராமத்தில் கழிவறை வசதி செய்யப்படுமா?

கடலூர் மாவட்டம் சேத்தியாத்தோப்பு அருகே உள்ளது பொன்னங்கோவில் கிராமம்.இக்கிராமத்தில் சிதம்பரம்&சேத்தியாத்தோப்பு சாலை அருகில் மாரியம்மன்கோவில் தெரு உள்ளது.இங்கு ஐம்பதுக்கு மேற்பட்ட குடும்பங்கள் வசித்து வருகிறார்கள்.இந்த தெருவில் கடந்த பலஆண்டுகளாக கழிவறை வசதி இல்லாமல் கிராமமக்கள் அவதியடைந்து வருகிறார்கள்.தங்கள் தெருவிற்கு கழிவறை வசதி வேண்டும் என பலமுறை அதிகாரிகளுக்கு கோரிக்கை வைத்தும், மனுக்கள் கொடுத்தும் இன்னமும் அது நிறைவேற்றப்படவில்லை என்று வேதனையோடு தெரிவிக்கிறார்கள் தெருவாசிகள்.இங்கு வசிக்கும், பெண்கள், பள்ளி செல்லும் மாணவிகள்,ஆண்கள்,வேலைக்கு செல்வோர் என பலரும் கழிவறை வசதி இல்லாததால் சொல்லமுடியாத சிரமத்தையும், வேதனைகள¬யும் அனுபவித்து வருகிறார்கள்.அதிகாரிகள் உடனடியாக இங்கு ஆய்வு மேற்கொண்டு கிராமமக்களின் நீண்டகால பிரச்னையாக இருக்கும் கழிவறை வசதியை விரைந்து ஏற்படுத்தி தரவேண்டும் என பொன்னங்கோவில் கிராமத்தின் மாரியம்மன்கோவில் தெருமக்கள் அதிகாரிகளுக்கு கோரிக்கை வைத்துள்ளனர்.