வளையமாதேவி கிராமத்தில் கடலூர் மேற்குமாவட்ட அதிமுகவினர் நலத்திட்ட உதவிகளை வழங்கினர்

கடலூர் மாவட்டம் சேத்தியாத்தோப்பு அருகே உள்ள வளையமாதேவி கிராமத்தில் கடலூர் மேற்குமாவட்ட அதிமுக சார்பில் நலத்திட்ட உதவிகள் வழங்கும் நிகழ்ச்சி நடைபெற்றது.இதில் புவனகிரி ஒன்றிய பெருந்தலைவர் சி.என்.சிவப்பிரகாசம் தலைமை வகித்தார்.அதிமுக நிர்வாகிகள் ஜெயசீலன்,சபரி,செல்வராஜ்,ஜருல்லாகான்,பிரித்திவி ஆகியோர் முன்னிலை வகித்தனர்.பின்னர் நடைபெற்ற நிகழ்ச்சியில் கடலூர் மேற்கு மாவட்ட செயலாளர் அருண்மொழித்தேவன் பங்கேற்று  1000 பயனாளிகளுக்கு அரிசி,காய்கறிகள் அடங்கிய சிறப்பு கொரானோ நிவாரண தொகுப்பினை வழங்கினார்.இந்நிகழ்ச்சியில் விருத்தாசலம் சட்டமன்ற உறுப்பினர் கலைச்செல்வன், முக்கிய அதிமுக நிர்வாகிகள் என பலரும் பங்கேற்றனர்.நிவாரண தொகுப்பினை பெற்றுக்கொண்டவர்கள் தமிழக அரசுக்கும்,ஒன்றிய பெருந்தலைவருக்கும் தங்களது நன்றியினை தெரிவித்தனர்.