சேத்தியாத்தோப்பில் மாவட்ட காவல்துறை சார்பில போக்குவரத்து விழிப்புணர்வு நிகழ்சசி

சேத்தியாத்தோப்பில் மாவட்ட காவல்துறை சார்பில் போக்குவரத்து விழிப்புணர்வு நிகழ்ச்சி.கடலூர் மாவட்டம் சேத்தியாத்தோப்பில் உள்ள ராஜிவ்காந்தி சிலை அருகில் கடலூர் மாவட்ட காவல் துறையின் போக்குவரத்து விழிப்புணர்வு குழுவினர்
சார்பில் பொது மக்கள் மற்றும் வாகன ஓட்டிகள் வாகனங்களை இயக்கும்போது பாதுகாப்பாகவும், போக்குவரத்து விதிமுறைகளை கடைப்பிடித்து வாகனங்களை இயக்கவேண்டும் என்பதையும் வலியுறுத்தி கதைப்பாட்டு பிரச்சாரம் நடைபெற்றது.இதனை சேத்தியாத்தோப்பு காவல் உட்கோட்ட டிஎஸ்பி ஜவஹர்லால் துவக்கி வைத்தார்.அவர் நிகழ்ச்சியைதுவக்கி வைத்து பேசுகையில் அனைவரும் பாதுகாப்பாக வாகனங்களை இயக்கிடவேண்டும்.போக்குவரத்து விதிகளை கடைப்பிடித்து வாகனங்களை இயக்கி விபத்துக்களை தடுத்திடவேண்டும்.நமது அனைவரின் நோக்கம் விபத்தில்லா பயணத்தை மேற்கொள்வதே என அறிவுறுத்தல்களை வழங்கினார்.பின்பு அவர் பள்ளி மாணவர்களுக்கு போக்குவரத்து விழிப்புணர்வு வாசகங்கள் அடங்கிய துண்டுபிரசுரங்களை வழங்கினார்.தொடர்ந்து நடைபெற்ற விழிப்புணர்வு நிகழ்ச்சியில் பிரச்சாரக்குழுவினர் போக்குவரத்து விழிப்புணர்வு கருத்து பாடல்களை கதைகளோடு பாடியும் பொதுமக்களிடம் விழிப்புணர்வினை ஏற்படுத்தினர்.நிகழ்ச்சியில் சேத்தியாத்தோப்பு  காவல் உதவி ஆய்வாளர் மாணிக்கராஜ்,சிறப்பு  காவல் உதவி ஆய்வாளர் வெங்கடேசன்,தனிப்பிரிவு ஏட்டு வெங்கடகிருஷ்ணன்,குற்றப்பிரிவு தனிப்படை போலீசார் என பலரும் உடனிருந்தனர்.
படம்& 1 கடலூர் மாவட்டம் சேத்தியாத்தோப்பில் கடலூர் மாவட்ட காவல்துறை சார்பில் போக்குவரத்து விழிப்புணர்வு பிரச்சாரம் நடைபெற்றது.