சேத்தியாத்தோப்பு அருகே சென்னை&கும்பகோணம் தேசிய நெடுஞ்சாலையில் கார்&இருசக்கர வாகனம் மோதல். ஒருவர் காயம்

 

கடலூர் மாவட்டம் புவனகிரி அருகே பின்னலூர் கிராமபகுதியில் சென்னை&கும்பகோணம் தேசிய நெடுஞ்சாலை செல்கிறது.இங்கு சேத்தியாத்தோப்பு அருகே உள்ள ஒரத்தூர் பகுதியிலிருந்து வந்த சிறிய வகை ஆம்னி கார் சாலையில் சென்றுக்கொண்டிருந்தது.அப்போது சாலையில் உள்ள பள்ளத்தில் இறங்கிய கார் கட்டுப்பாட்டை இழந்து எதிரே வந்துக்கொண்டிருந்த இருசக்கர வாகனத்தின் மீது மோதியது.இதில் இருசக்கர வாகனத்தில் வந்த சேத்தியாத்தோப்பு தீயணைப்புத்துறையை சேர்ந்த வீரர் ஒருவர் சிறிய காயத்துடன் உயிர்தப்பினார்.போலீசார் விபத்து குறித்து விசாரணை செய்து வருகிறார்கள்.