புவனகிரியில் பாண்டியன் எம்எல்ஏ எம்ஜிஆர் சிலைக்கு மாலைஅணிவித்து தொண்டர்களுக்கு வேண்டுகோள்

புவனகிரியில் பாண்டியன் எம்எல்ஏ எம்ஜிஆர் சிலைக்கு மாலை அணிவித்து  தொண்டர்களுக்கு வேண்டுகோள்.கடலூர் மாவட்டம் புவனகிரியில் பண்ருட்டி,புவனகிரி,சிதம்பரம் ஆகிய சட்டமன்ற தொகுதிகள் உள்ளடக்கிய கிழக்கு மாவட்ட செயலாளராக நியமிக்கப்பட்ட சிதம்ரம் அதிமுக எம்எல்ஏ பாண்டியன் வருகை புரிந்தார்.அவருக்கு புவனகிரி ஒன்றிய கழகசெயலாளர் சிவப்பிரகாசம்,ஊராட்சி கழக செயலாளர் ஜெயசீலன், ஆகியோர் சார்பில் சிறப்பான வரவேற்பளிக்கப்பட்டது.முதலில் புவனகிரியில் உள்ள எம்ஜிஆர் சிலைக்கு தொண்டர்கள் அதிமுக கட்சி நிர்வாகிகள் சூழ கிழக்கு மாவட்ட செயலாளர் பாண்டியன் எம்எல்ஏ  மாலை அணிவித்து மரியாதை செலுத்தினார்.பின்னர் தொண்டர்கள் மற்றும் கட்சி நிர்வாகிகளிடம் பேசியபோது தலைமைக்கழக அறிவுறுத்தல்படி

பண்ருட்டி,புவனகிரி,சிதம்பரம் ஆகிய சட்டமன்ற தொகுதிகளுக்கு உள்ளிட்ட பகுதிகளில் உள்ள அதிமுகவினர் உள்ளாட்சித்தேர்தலில் போட்டியிட விரும்பினால் விருப்பமனுவை சிதம்பரத்தில் நடைபெறுகின்ற சிறப்பு முகாமில் விருப்பமனுவிற்குறிய நிபந்தனைகளோடு அளிக்கவேண்டும்.தவறாமல் அனைவரும் முகாமில் பங்கேற்கவேண்டும் எனவும் வேண்டுகோள் விடுத்தார்.பின்னர் தொண்டர்கள் பொதுமக்களுக்கு இனிப்புக்களை அவர் வழங்கினார்.இந்த நிகழ்ச்சியில் புவனகிரி அதிமுக நகர செயலாளர் செல்வக்குமார்,அவைத்தலைவர் குமார்,முன்னாள் எம்பி இளங்கோவன்,முன்னாள் அமைச்சர் செல்வி ராமஜெயம்,சிதம்பரம் முன்னாள் நகர கழகசெயலாளர் தோப்பு சுந்தர்,உள்ளிட்ட ஏராளமானவர்கள் இந்நிகழ்ச்சியில் பங்கேற்றனர்.